Kirola Euskaraz webgunea

informazio orokorra

Kirola Euskaraz programa Debagoieneko zenbait udalek sortu zuten 1993an eta laster Debabarrenera zabaldu zen. Beraz, Debarroko udaletako Euskara eta Kirol zerbitzuek sortutako ekimena dugu. Piskanaka, Gipuzkoako Foru Aldundiaren laguntzaz, Gipuzkoa osora zabaldu da egitasmoa.

Kirola Euskaraz programaren helburu nagusiak hauexek dira:

• kirol arloko eragileak (entrenatzaile, guraso, herritarrak) sentsibilizatzea
• kirol arloko entrenatzaile, monitore eta irakasleak prestatzea
• euskarazko kirol materiala sortzea eta argitaratzea
• programa beste herri eta lurralde batzuetara hedatzea.

Programa Gipuzkoa osora zabaltzeko, eta bere helburuak eskualde guztietan garatzeko ahalegin berezia egiten du Gipuzkoako Foru Aldundiak, Kiroletako Lan Mahaiaren bitartez. Antolakuntzaren aldetik, bikoitza da egitura:

• Gipuzkoa mailako koordinazio batzorde bat dago, Kiroletako Lan Mahaia izenekoa, udaletako teknikariek eta Foru Aldundiak osatua.
• Eskualde gehienetan, kiroletako eta euskarako teknikariak elkarlanean ari dira eta bere lan taldeak edo lan batzordeak dituzte.

Horren guztiaren berri emango du web gune berrituak eta kirola eta euskara uztartzen dituzten jardueren informazioa jaso nahiz emateko gunea edo ataria izan nahi du. Gunearen bizitasuna egunerokotasunaren eta parte hartzearen bidez lortu nahi da. Beraz, erabiltzaileon ekarpenak ongi etorriak izango dira.

Web gunea egiteko teknologia berriek eskaintzen dizkiguten baliabide hauek erabili dira:

• Kode irekiko tresnak erabilita garatu da (PHP, MySQL).
• RSS zerbitzua eskaintzen da albisteen berri izateko sortua ahala.
• Interesa dutenek buletin elektroniko edo newsletterra jasoko dute euren posta elektronikoan, Kirola Euskaraz zerbitzuak jaso eta sortzen dituen informazioekin.
• Web 2.0 filosofia erabiliz, web gunearen atal guztietan iruzkinak eta datu berrien proposamenak bidaltzeko aukera dago.

Kirola Euskaraz programaren web gunea imetza interaktiboak garatu du. Edukiak sortu eta eguneratzeaz ere iametza interaktiboa arduratuko da, Gipuzkoako Foru Aldundiaren eta Kiroletako Lan Mahaiaren laguntzarekin.