zer berri
atzera
Kirolariek bat egin dute "Euskaraz bai" adierazpenarekin
Kirola: OROKORRA
Data: 2008-04-30
Euskararen Gizarte Erakundeen Kontseiluak deituta, hainbat kirolari bildu dira Iruñean euskararen aldeko Euskaraz bai adierazpenari atxikimendua erakusteko. Orain dela hamar urte hasitako Bai euskarari lelotik "harago" egiteko garaia dela nabarmendu dute, eta, bide batez, Kontseiluak 10. urtemugaren harira antolatu dituen ekitaldietan parte hartzeko deia egin dute. Nafarroako Erresuma futbol estadioan bildu dira, besteak beste, Euskaltel Euskadiko presidente Migel Madariaga, Manix Mandiola Eibar futbol taldeko entrenatzailea, Amaiur Alfaro Itsasbela Ibilaldi Eskolakoa, Juan Martinez Irujo pilotaria, Iñaki eta Inaxio Perurena harrijasotzaileak, Ander Vilariño auto-gidaria, Uxue Astiz Lagunak futbol taldeko jokalaria eta Ekaitz Maiz, eskalatzailea.
Gipuzkoako Foru Aldundia · Euskara Zuzendaritza
Nagusia / Gipuzkoa plaza z.g. 20004 Donostia (Gipuzkoa) · Tel. +34 943 112394 · Fax +34 943 426293
- Datu pribatuen babesa -
